Kosova dhe fenomeni i largimit të infermierëve

(KEYSTONE/Gaetan Bally)

Shifra shqetësuese nga Sindikata e Punëtorëve Shëndetësorrë të QKUK-së.

Thuhet se mbi 500 infermierë të larguar nga Kosova vetëm gjatë këtij viti. Gjithashtu thuhet se në përgatitje e sipër që pritet të largohen vitin e ardhshëm janë rreth 1500 infermierë të tjerë, përcjell albinfo.ch.

Kështu ka deklaruar Sindikata e Punëtorëve Shëndetësorë të Qendrës Klinike dhe Universitare të Kosovës, të cilët kanë thënë se janë duke e përcjellë me shqetësim të madh ikjen e profesionistëve shëndetësorë nga QKUK-ja, e në veçanti të infermierëve.

Ky fenomen kërkon reagim institucional.

“Pa dyshim që meritojnë një vëmendje institucionale, mirëpo edhe përpjekje serioze dhe maksimale për ta ngadalësuar këtë trend, duke ofruar kushtet për punë por edhe ngritje pagash.

Janë pikërisht infermierët e Mjekimit Intenziv, Teknikët e Anestezionit, Istrumentaret, infermierët e Qendrës Emergjente”, thuhet në njoftimin e Sindikatës.