16 të vdekur në SHBA nga të ftohtit, tre në Evropë nga stuhia

Stuhitë dimërore kanë përfshirë një pjesë të madhe të Evropës Perëndimore, duke lënë tre të vdekur, disa të lënduar dhe shumë dëme materiale, shkruan albinfo.ch.

Dhjetëra mijëra njerëz janë prekur nga reduktimet energjetike dhe fluturimet janë ndërprerë në disa vende.

Dy njerëz u mbytën në bregun verior të Spanjës pasi u zhdukën nga një valë e madhe dhe një skiator humbi jetën në Alpet franceze.

Gjenda nuk është aspak e mirë edhe në SHBA, ku raportohet se 16 persona kanë vdekur nga të ftohtit, dy prej të cilëve ishin të pastrehë.

Policia amerikane ka bërë apel tek qytetarët të provojnë sa më shumë të mos dalin nga shtëpia pasi të ftohtit është i papërballueshëm.

Dëbora dhe akulli që po shënon rritje në Karolinën Jugore, ka bërë që të mbyllet edhe Aeroporti Ndërkombëtar. Nga Aeroporti kanë bërë të ditur se fluturimet nuk do të fillojnë derisa Forcat Ajrore të japin ndonjë sinjal.

Stuhi të fuqishme ka anembanë vendit, ndërkaq autoritetet njoftojnë se fatkeqësisht numri i të vdekurve mund të shënojë rritje, kryesisht tek të pastrehët.