Papa Leo XIV u bën apel “të mëdhenjve”: Kurrë më luftë!

Në lutjen e tij të parë të së dielës si Papë, përpara dhjetëra mijëra besimtarëve në Vatikan, Papa Leo XIV u bëri thirrje “udhëheqësve të mëdhenj të kësaj bote” që të ndalojnë luftërat, veçanërisht ato në Ukrainë dhe Gaza.

“Përballë këtij skenari dramatik të një Lufte të Tretë Botërore të copëtuar, siç ka pohuar shpesh Papa Françesku, edhe unë i drejtohem të mëdhenjve të kësaj bote, duke përsëritur këtë thirrje që është gjithmonë aktuale: kurrë më luftë!”, deklaroi Papa.

Ndihmë humanitare për Gazën

Papa u shpreh se “mban në zemër vuajtjet e popullit të dashur ukrainas” dhe theksoi nevojën për një “paqë të vërtetë, të drejtë dhe të qëndrueshme sa më shpejt që të jetë e mundur.” Ai kërkoi gjithashtu lirimin e të gjithë të burgosurve dhe kthimin e fëmijëve pranë familjeve të tyre.

Duke shprehur “trishtim të thellë për atë që po ndodh në Rripin e Gazës”, ai bëri thirrje për një “ndalim të menjëhershëm të armiqësive, sigurimin e ndihmës humanitare për popullsinë civile të rraskapitur dhe lirimin e të gjithë pengjeve”, transmeton albinfo.ch.

Shpresë për paqe midis Indisë dhe Pakistanit

Papa Leo XIV përshëndeti gjithashtu lajmin për armëpushimin midis Indisë dhe Pakistanit, duke shpresuar që bisedimet e ardhshme të çojnë në një marrëveshje të qëndrueshme sa më shpejt.