Tri spitale të Zvicrës në listën e 20 spitaleve më të mira në botë

(KEYSTONE/Gaetan Bally)

Një spital nga Zvicra gjendet në 10 vendet e para të listës se spitaleve më të mira në botë. Geneva University Hospitals (HUG) është në mesin e spitaleve më të mira, ndërsa në vendin e 20-të renditet Lausanne University Hospital në Lozanë.

Më shumë se 2500 spitale në 32 vende janë analizuar nga revista Newsweek dhe portali statistikor Statista në një krahasim ndërkombëtar të fundit, raporton Albinfo.ch.

Nga kjo analizë, 250 spitalet më të mira në botë janë vlerësuar dhe renditur.

Ndërkohë edhe spitale të tjera zvicerane janë renditur shumë lart. University Hospital Basel gjendet në vendin e 23-të të listës.

Vlerësimi është bazuar në katër burime kryesore të të dhënave: rekomandimet e ekspertëve mjekësorë nga 32 vende, treguesit e cilësisë së spitaleve, të dhënat publike për kënaqësinë e pacientëve, si dhe PROMs (Patient-Reported Outcome Measures), që matin gjendjen shëndetësore dhe cilësinë e jetës së pacientëve pas trajtimit./Albinfo.ch/