200 mijë franga mjaftojnë për kryetarin e qytetit

Është iniciuar një nismë me moton: “200 mijë franga janë të mjaftueshme”, ku kërkohet kufizimi i pagës për kryetarin e Fraunfeldit

Në Frauenfeld është formuar një seksion lokal i qeverisë së tatimpaguesve (BDS). Prapa kësaj iniciative qëndrojnë dy anëtarë të SVP-së, Thomas Gemperle dhe Reinhard Wegelin.

Aksioni i parë i tyre ka sulmuar kryetarin e Frauenfeld, Carko Parorali, (FDP) për shkak se numri një i qytetit inkason një pagë bruto vjetore prej rreth 253 000 frangash.

Sipas Thomas Gemperle, një pagë e tillë është e papranueshme për qytetarët.

Në krahasim me pagat e kryetarit të Cyrihit, Corine Mauch që fiton një pagë vjetore prej 288 mijë frangash dhe atij të Bernës, Tschäppät Alexander, që inkason 240 mijë franga, paga e kryetarit të Frauenfeld është tepruar.

Për këtë arsye është iniciuar një nismë me moton: “200 mijë franga janë të mjaftueshme”, ku kërkohet kufizimi i pagave të ekzekutivit.

Në Bernë dhe në Cyrih janë organizuar iniciativa të tilla që kanë pasur sukses. Kryetari i Frauenfeldit ka refuzuar të komentojë një iniciativë të BDS-së.