Shqiperia
30-vjetori i marrëdhënieve diplomatike Shqipëri – Lihtenshtein
Janë bërë plot tri dekada që kur Republika e Shqipërisë vendosi marrëdhënie diplomatike me Principatën e Lihtenshteinit. Ky përvjetor është një histori kuptimplotë e një marrëdhënieje miqësore mes dy shteteve me specifika të ndryshme, përcjell albinfo.ch.
Shqipëria dhe Lihtenshteini gjatë këtyre tri dekadave kanë mbajtur marrëdhënie pozitive e konstruktive si në aspektin bilateral, ashtu dhe atë shumëpalësh. Në nivel bilateral të dyja vendet kanë bashkëpunuar në fusha të ndryshme, përfshirë kulturën, arsimin e turizmin. Po ashtu të dyja vendet kanë zhvilluar ngushtë marrëdhëniet në planin shumëpalësh për fusha me interes të ndërsjellë, në veçanti në kontekstin e organizatave ndërkombëtare si OKB apo Këshilli i Europës.
Të dyja vendet kanë treguar mbështetje të fortë për çështje të paqes e sigurisë, të drejtat e njeriut dhe zhvillimin e qëndrueshëm. Shqipëria dhe Lihtenshteini kanë punuar po ashtu bashkë për të nxitur bashkëpunimin dhe dialogun ndër vendet e Ballkanit Perëndimor. Ministritë e Punëve të Jashtme të të dyja vendeve dhe përfaqësitë respektive diplomatike kanë një marrëdhënie të ngushtë e produktive me kontakte të vazhdueshme në të gjitha nivelet. Të dyja vendet bashkëpunojnë ngushtë për çështje me interes të ndërjellë, siç janë promovimi i demokracisë dhe të drejtave të njeriut.
Gjatë këtyre viteve Lihtenshteini i ka ofruar Shqipërisë një ndihmë të çmuar gjatë momenteve më domethënse të historisë së afërt, siç ishte periudha e tranzicionit të Shqipërisë drejt krijimit të shtetit demokratik apo dhe së fundi ndihma e ofruar pas tërmetit të 2019. Gjatë periudhës së tranzicionit të Shqipërisë, në fillim të viteve 1990, Lihtenshteini ishte krah Shqipërisë duke ofruar ndihmë dhe asistencë në ndërtimin e institucioneve demokratike. Po ashtu pas tërmetit shkatërrimtar të 2019 Lihtesnshteini nuk ngurroi për të ofruar ndihmën e tij. Qeveria e Lihtenshteinit po ashtu ofroi ndihmë financiare në mbështetje të përpjekjeve për rindërtim.
Ky lloj bashkëpunimi e solidariteti janë tregues të qartë të forcës dhe rëndësisë që ka ndërtimi i marrëdhënieve pozitive mes të dyja vendeve. Këto marrëdhënie do të vijojnë të fuqizohen e të thellohen në të ardhmen në përftim të të dyja vendeve.
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas