4 ushtarë sjellin koronavirusin në kazermë, infektojnë edhe shumë të tjerë

Ata kanë infektuar edhe shtatë të tjerë, duke bërë kështu që 11 persona të vendosen në izolim. Dymbëdhjetë rekrutë të tjerë është dashur të karantinohen

Katër rekrutë që ishin kthyer në kazermën e Chur-it nga pushimet e tyre të fundjavës së kaluar janë infektuar me koronavirus. Këtë e konfirmon për 20minuten.ch zëdhënësi i ushtrisë, Daniel Reist.

Ata kanë infektuar edhe shtatë të tjerë, duke bërë kështu që 11 persona të vendosen në izolim. Dymbëdhjetë rekrutë të tjerë është dashur të karantinohen, transmeton albinfo.ch. Të prekurit janë të moshave midis 19 dhe 21 vjeç.

“Ata janë mirë deri më tani”, thotë Reist. “Sigurisht që është dëm, sepse rekrutët mbrohen mirë gjatë qëndrimit në kazermë, dhe këtu respektohen shumë mirë kushtet e mbrojtjes dhe masat higjienike, përcjell albinfo.ch. Në fundjavë, natyrisht, ne nuk kemi kontroll mbi mënyrën se si sillen ata”.

Të enjten, janë testuar ushtarët e këtij kursi. Të gjithë ata që patën rezultat negativ të testit u dërguan në shtëpi. Jeta e përditshme e kazermave vazhdon të hënën.

---