Lajme

40.500 të shëruar nga Covidi në Zvicër

Deri më tani është bërë testimi i miliona personave nën dyshimin se mund të jenë të prekur nga koronavirusi në Zvicër.

Të dhënat e fundit tregojnë se numri i të shëruarve në Zvicër është rritur dukshëm, shkruan albinfo.ch.

Gjatë kësaj jave, në Zvicër është raportuar se numri i shërimeve ka arritur në 40.500 persona, përderisa në fund të muajit maj ishin vetëm 30 mijë të shëruar. Kjo rritje e shërimeve sipas autoriteteve zvicerane çdoherë e më shumë po vjen si rezultat nga trajtimi i duhur dhe kujdesi i stafit mjekësor karshi pacientëve, por edhe numri i madh i të infektuarve dhe më pas shërimi i tyre, transmeton albinfo.ch.

Në Zvicër janë prekur deri më tani 49,283 raste me COVID-19 dhe në tërësi që nga rastet e para, ka bërë 1,251,614 testime, nën dyshimin se mund të jenë të prekur nga koronavirusi.

Sipas raporteve nga kantonet 40.5 mijë njerëz janë konfirmuar se janë shëruar plotësisht nga virusi. Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.

Nga ana tjetër, duhet theksuar se Zvicra është renditur e para në vendet më të sigurta në botë kundër koronavirusit. /Albinfo.ch