Lajme
400 shqiptarë në Kinë: 3 studentë u larguan nga Wuhan drejt Shqipërisë
Ambasadori i Shqipërisë në Pekin, Selim Belortaja, bëri me dije gjendjen e shqiptarëve në Kinë, pas shpërthimit të koronavirusit. Belortaja u shpreh në “Facebook” se këtë të hënë për herë të parë janë informuar zyrtarisht krerët e trupit diplomatik.
Gjatë takimit, ambasadori ka treguar se në Kinë ndodhen 400 shqiptarë, por asnjë nuk është infektuar. Vetëm një studente ndodhet në Wuhan dhe po bëhet çdo përpjekje për ta larguar që aty.
“Asnjë i infektuar mes rreth 400 shqiptarëve që ndodhen këtu, prej të cilëve 60 studentë. Por zhvillimet na sugjerojmë të përsërisim thirrjen për kujdes, shmangie udhëtimesh dhe respektim të udhëzimeve e rregullave. Kemi vetëm një studente në Wuhan, të cilën po bëjmë çdo përpjekje ta nxjerrim, sadoqë kjo kërkon disa procedura lejesh dhe aplikimesh dhe rregulla karantine 14-ditore, edhe pse nga testi fillestar ajo doli ok!”
Ndërkohë, 3 studentë të tjera që kanë qenë po ashtu në Wuhan janë larguar drejt Shqipërisë. Kryediplomati shqiptar apeloi që secili shtetas shqiptar që ka vendosur të kthehet në atdhe, të veprojë sa më parë.
“3 të tjerët, ne dijenine tone janë larguar nga Wuhani dhe kanë mbrritur ose po mbrrijnë në atdhe! I kemi ftuar gjithë shqiptarët që studiojnë, punojnë ose thjesht ndodhen në Kinë, të identifikohen në e-mailin e ambasadës dhe të raportojnë gjendjen dhe adresën. Ndjekim situatën dhe i raportojmë MEPJ. U bëj thirrje familjeve të atyre që kanë ndarë mendjen të kthehen, të mos hezitojnë, po të sakrifikojnë edhe kësaj here për një biletë udhëtimi të njeriu të tyre”.
Deri tani 81 persona kanë humbur jetën nga virusi kinez, ndërsa janë 2.823 raste të konfirmuara infeksioni, shkruan Vizionplus, përcjell Albinfo.ch.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe