Lajme
Zvicra me referendum që ua mundëson paditë punëtorëve të huaj
Është bërë e ditur se të dielën zviceranët do të votojnë në referendum për një ligj që do t’i bënte firmat e këtij vendi ligjërisht dhe financiarisht përgjegjëse për shkeljen e të drejtave të njeriut dhe dëmtimin e mjedisit, përcjell albinfo.ch.
Thuhet se nga ky ligj do të prekej i tërë zinxhiri furnizues i kompanive zvicerane në mbarë botën, shkruan BBC, transmeton Gazeta Express.
Zvicra mund të jetë një shtet i vogël, por shtrirja e saj në fushën e tregtisë ndërkombëtare është e gjerë.
Ndërkohë, kompanitë si Nesstle, Syngenta, Gelncore dhe Novartis kanë prodhime me burime nga e mbarë bota dhe Zvicra është qendër botërore për tregtinë e mallrave.
Duhet theksuar se përgjegjësia e korportave është prioritet për këtë shtet dhe kompanitë si Nestle thonë se ato i hulumtojnë shumë zinxhirët furnizues nga fillimi deri në fund për të siguruar praktika të drejta të punës si dhe për të parandaluar punën e fëmijëve apo dëmtimin e mjedisit.
Me ligjin e ri synohet zbatimi i këtyre standardeve, duke u mundësuar viktimave të dyshuara të shkeljeve të të drejtave të njeriut apo dëmtimit të mjedisit që t’i padisin kompanitë në gjykata zvicerane. Kompanitë do të detyroheshin të dëshmojnë se i kanë marrë të gjitha masat e nevojshme për të parandaluar çfarëdo dëmi.
Një nga aktivistët që po e përkrah ligjin e ri, Andreas Missbach, thotë se ky legjislacion është i nevojshëm sidomos për industrinë e minierave. Sipas tij, minierat në Amerikën Latine që i furnizojnë kompanitë zvicerane janë duke shkaktuar dëme serioze.
“Komunitetet janë të keqtrajtuara, njerëzit largohen nga tokat e tyre, uji helmohet dhe e kemi fjalën për kompanitë që selinë qendrore e kanë në Zvicër”, tha ai.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor