60 për qind më pak vizitorë në pishina në Zvicër

@pixabay

Shumë shi dhe temperatura të ulëta kanë bërë që sezoni i pishinave të sivjetmë të bjerë. Numri i vizitorëve ka rënë në mënyrë dramatike.

Numri i vizitorëve në pishinat në Bazel dhe Cyrih ka rënë me 60 për qind, shkruan gazeta “SonntagsBlick”. Diku tjetër u regjistruan rreth 50 për qind më pak vizitorë. Shkak për këtë është ende moti i paqëndrueshëm me reshje të shumta shiu dhe temperatura jo gjithmonë verore.

Shifrat e mira të viteve të kaluara nuk ka gjasa të arrihen këtë vit, edhe nëse fundi i verës tregon anën e saj më të mirë, thotë Peter Portmann, drejtues i pishinave në qytetin e Bazelit.

Zëvendësshefja e zyrës sportive në Bernë, Caroline Moser, llogarit ndryshimin e pamasë: Këtë vit, 321,000 njerëz erdhën në dy muajt e parë të sezonit të pishinave – vitin e kaluar ishte më shumë se dyfishi: 736,000.

Sipas gazetës, deri në fund të sezonit pritet një humbje e shitjeve prej rreth 20 për qind në kantonin Zug. Megjithatë, puna me kohë të shkurtër ose pushimet nga puna nuk janë problem. “Punonjësit punojnë me orar, madje edhe në ditët me shi ka punë pastrimi apo riparime”./20minuten