600 ndërtues në Turqi, nën hetime

Keystone EPA/NECATI SAVAS

Të paktën 600 persona janë vënë nën hetim në Turqi, pjesa më e madhe e të cilëve ndërtues, apo të lidhur me ndërtimet, për shkak se dyshohen se kanë abuzuar me standardet, gjë që u evidentua pas tërmeteve të fuqishme të 6 shkurtit që kthyen në rrënoja qinda e mijëra objekte banimi.

Ditën e shtunë, ministri i Drejtësisë, Bekir Bozdag, bëri me dije se deri në këto momente janë arrestuar 184 të dyshuar, mes të cilëve konstruktorë, kontraktorë dhe pronarë objektesh.

Mes personave të arrestuar është dhe kryetari i Bashkisë së një qyteti pranë epiqendrës së tërmetit, ku numri i viktimave ishte edhe më i madhi, raporton cnn përcjell albinfo.ch.

Prej vitesh ekspertët kishin paralajmëruar se për shkak të korrupsionit qindra ndërtime të reja ishin të pasigurta.

Sipas të dhënave zyrtare, deri në këto momente në Turqi raportohen 160 mijë ndërtesa të dëmtuara rëndë, duke ngritur në këtë mënyrë pyetjen se mos impakti i tërmetit u përkeqësua nga korrupsioni.