631 viktima nga koronavirusi në Itali, 8514 të infektuar

Gjatë 24 orëve të fundit listës së të vdekurve në Itali i janë shtuar edhe 168 veta. Ky është numri më i madh i regjistruar deri më tani i viktimave brenda një dite

Rëndohet bilanci i viktimave nga koronavirusi në Itali. Numri i personave që kanë humbur jetën ka shkuar në 631 dhe 8514 konfirmohen të prekur.

Vetëm gjatë 24 orëve të fundit listës së të vdekurve në Itali i janë shtuar edhe 168 veta. Ky është numri më i madh i regjistruar deri më tani i viktimave brenda një dite, transmeton albinfo.ch.

Rëndohet bilanci i viktimave nga koronavirusi në Itali. Numri i personave që kanë humbur jetën ka shkuar në 631 dhe 8514 konfirmohen të prekur.

Në konferencën për shtyp të Mbrojtjes Civile mbajtur pasditen e së martës, kreu i Emergjencës, Angelo Borreli tha se janë përmirësuar 1004 persona, 280 më shumë se të hënën.

Ndërkohë, kryeministri Giuseppe Conte firmosi dekretin “Unë qëndroj në shtëpi”, në kuadër të masave për të kontrolluar koronavirusin.  Qeveria është treguar e gatshme të ndërhyjë me masa më të ashpra, aty ku është e nevojshme, shkruajnë mediat shqiptare, përcjell albinfo.ch.

Ndërkohë, në rreth 30 burgje kanë shpërthyer revolta. Të burgosurit kundërshtojnë ndalimin e vizitave të të afërmve në burgje.

 

---