‘Darka e Lamës’ këtë vit u shënua me policët në kampin “Enver Zymeri”, në Mitrovicë

Organizimi i përvitshëm i ‘Darkës së Lamës’ këtë vit është shënuar në një vend të veçantë në Kosovë.

Ky organizim që mbahet nën patronatin e Presidentes u shënua bashkë me Policinë e Republikës së Kosovës, në kampin “Enver Zymeri”, në Mitrovicë. Kjo sipas presidentes së Kosovës Vjosa Osmani u mbajt në shenjë mirënjohjeje, vlerësimi e falënderimi për gra e burra në uniformë, të cilët shërbejnë pa u lodhur për të na bërë të ndihemi të sigurtë.

“Në prani edhe të familjeve të policëve që kanë rënë në detyrë, përfshirë familjen e heroit Afrim Bunjaku, shprehëm mirënjohjen më të thellë të të gjithë qytetarëve të Republikës për ata që dhanë jetën në mbrojtje të çdo pëllëmbe të territorit të vendit tonë”, tha Osmani.