721 euro është paga mesatare në Mal të Zi

Paga mesatare bruto për nëntor në Malin e Zi arriti në 721 euro, ndërsa të ardhurat mesatare neto arritën në 483 euro. Shifrat janë bërë publike nga Qeveria e Malit të Zi.

Krahasuar me tetorin e këtij viti, të ardhurat mujore bruto regjistruan një rritje me 1.3 për qind.

Qeveria ka bërë të ditur se, të ardhurat neto për nëntorin janë rritur me 0.6 për qind në krahasim me të njëjtën periudhë të një viti më parë.

Në normë mujore, këto të ardhura kanë qenë 0.8 për qind më të larta se vlera e regjistruar në tetor.