8 Marsi: Sot, biletat e autobusit, falas për gratë në Tiranë

Kryetari i Bashkisë së Tiranës, Erion Veliaj, si gjithnjë ka dalë me një ide shumë kreative dhe të veçantë edhe për festën e 8 Marsit, Ditës së Gruas.

Ai u ka bërë dhuratë të veçantë të gjitha grave të kryeqytetit shqiptar, përcjell albinfo.ch.

“Transporti publik do të jetë falas për to. Që në orët e para të mëngjesit e deri në mbrëmje do të kenë mundësi të lëvizin falas (transport publik). Kjo është një mënyrë modeste për të kujtuar të gjitha zonjat dhe zonjushat që vetëm e zbukurojnë këtë qytet dhe mbajnë familjet tona në këmbë”, ka thënë Veliaj.

Ai po ashtu në një postim në rrjetet sociale ka prezantuar 365 zonjat që punojnë në Bashki, për të cilat ka thënë se u përulet për punën që bëjnë.