82 % e pacientëve në kujdesin intensiv të Gjenevës, me mbipeshë

Nga 101 pacientë në spitalin HUG të Gjenevës në kujdes intensiv me Covid-19, 83 ishin mbipeshë, sipas RTS

Shifrat janë të ngjashme në Lozanë. Atje, rreth dy të tretat e pacientëve të kujdesit intensiv me Covid-19 janë mbipeshë, diçka veçanërisht e dukshme midis pacientëve nën 65 vjeç, tha një mjek i intervistuar nga RTS, përcjell albinfo.ch.

Të qenit mbipeshë rrit rrezikun e presionit të lartë të gjakut dhe ndikon jo mirë në mushkëri dhe arterie.

Sipas autoritetit shëndetësor të Zvicrës, mbipesha është një problem i përhapur shëndetësor. 42% e popullsisë së rritur të Zvicrës është mbipeshë. Statistikat janë më të larta tek burrat (56% – 14% të trashë) sesa gratë (31% – 12% të trashë) dhe rriten me moshën.

Në mënyrë që të nxjerrin në pah rreziqet e Covid-19 ndaj individëve obezë, disa mjekë zviceranë do të donin të shihnin obezitetin e shtuar në listën e faktorëve të rrezikut përgjatë sëmundjeve anësore të zemrës, presionit të lartë të gjakut, sëmundjeve të frymëmarrjes dhe diabetit.

 

---