Lajme
90% e viktimave nga korona kanë vdekur drejtpërdrejt nga virusi
Sipas vlerësimit të mjekëve, po të mos ishte korona, ata nuk do të kishin vdekur në kohën kur kanë vdekur, raporton gazeta "SonntagsZeitung".
Zyra Federale e Statistikave e Zvicrës (BFS) ka dhënë për herë të parë shifra të verifikuara për viktimat e Covid-it.
Sipas saj, është e vërtetë se shumica e njerëzve që kanë vdekur në lidhje me koronën kishin sëmundje të mëparshme, transmeton albinfo.ch. Por, 90 për qind të viktimave për të cilat mjekët përkatës kanë shënuar “Covid” në certifikatën e vdekjes, virusi ishte shkaku kryesor i vdekjes.
Me fjalë të tjera, sipas vlerësimit të mjekëve, po të mos ishte korona, ata nuk do të kishin vdekur në kohën kur kanë vdekur raporton gazeta “SonntagsZeitung”.
Shifrat e publikuara rishtazi nga BFS lidhen me marsin e vitit 2020. Ky ishte muaji i parë në të cilin pati vdekje nga korona në Zvicër,
Prej të vdekurve “nga” korona dhe jo vetëm “me” koronën, 91 për qind kanë vuajtur nga të paktën një sëmundje shoqëruese, shkruan gazeta, transmeton albinfo.ch. Më së shpeshti është raportuar për sëmundjet e frymëmarrjes.
Shumica e viktimave ishin mbi 65 vjeç.
Sipas BAG, tre persona nën moshën 20 vjeç kanë vdekur nga korona që nga fillimi i pandemisë.
Rreth 38,000 zviceranëve u është dashur të shtrohen në spital për shkak të koronës.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?