Rimëkëmbet ekonomia zvicerane

Ekonomia zvicerane rikthehet në tremujorin e katërt të vitit të kaluar me mbështetjen e konsumit të brendshëm, duke treguar se vendi ka kapërcyer me sukses ndikimin e pafavorshëm të frangut të fortë dhe pasojat e eksportit të dobët.

Produkti bruto i brendshëm (GDP) u rrit në tremujorin e fundit me 0.4 për qind, kur sipas të dhënave të rishikuara të Ministrisë së Ekonomisë është ulur me 0.1 për qind.

Rritja e aktiviteteve në fund të 2015-ës ishte më e fortë se në vitin e kaluar dhe ka tejkaluar pritjet e ekonomistëve.

Eksportet e mallrave në fund të vitit u rriten me 2.9 për qind, që janë nxitur nga dërgimi i shtuar i produkteve kimike dhe farmaceutike. Shkalla më e shpejtë e rritjes është regjistruar në importet me 4.2 për qind, pavarësisht një rënie në importin e auotomjeteve.

Eksporti i shërbimeve është ulur me 3.2 për qind dhe importet e shërbimeve me 0.3 për qind.

Çdo vit rritja e PBB-së në tremujorin e fundit të vitit të kaluar është përgjysmuar në krahasim me tre muajt e mëparshëm dhe ishte 0.4 për qind.

Gjatë gjithë vitit të kaluar, aktiviteti ekonomik u rrit vetëm 0.9 për qind, krahasuar me 1.9 për qind të regjistruar në vitin 2014. Për këtë vit Banka Nacionale e Zvicrës (SNB) parashikon rritje ekonomike prej rreth 1.5 për qind.

Në janar të vitit të kaluar Banka Nacionale e Zvicrës papritur ka hequr kufizimet e normës minimale prej 1.2 franga kundrejt euros, e cila rezultoi në rritje të fortë në vlerën e monedhës vendëse, duke goditur rënd eksportin.