Në Kërçovë, “airbags” për BMW, Toyota, Porche, Jaguar…

Ky investim është bërë nga kompania amerikane ”Key Safety Systems”, ndërkaq reparti prodhues ka 13.600 metër katrorë, me kapacitet 3 milionë jastëk në vit

Sot në zonën teknologjike-industriale të Kërçovës ka nisur punën fabrika për prodhimin e jastëkave të ajrit, që njihen si ‘airbags’, për marka të njohura të automobilave, Shkoda, Volkswagen, Toyota, BMW, Porche dhe Jaguar. Ky investim është bërë nga kompania amerikane ”Key Safety Systems”, ndërkaq reparti prodhues ka 13.600 metër katrorë.

Kjo fabrikë aktualisht ka të punësuar 230 punëtorë, ndërsa guhatë periudhës vijuese parashikohet që ky numër të arrij në 1000, njoftojnë mediat në Maqedoni.

Menaxhmenti i kompanisë paralajmëroi prodhimin e rreth tre milionë jastëka për këtë vit, ndërsa rreth gjashtë milionë për vitin 2017, kurse prodhimi i parë është destinuar për prodhuesit me renome të automobilave si: Shkoda, Volkswagen, Toyota, BMW, Porche dhe Jaguar.