Shkurt.ch
Testi për shkurtim të procedurës së azilit, një sukses i plotë
Shpejtimi realizohet pasi që të gjithë pjesëmarrësit relevantë në procedurë, në qendrën federale gjenden «nën një kulm»
Raporti përmbyllës i evaluimit të fazës testuese mbi procedurën e shpejtuar të azilit, i prezantuar sot, është i qartë: praktika e ka dëshmuar të suksesshëm lkëtë test. Bëhet fjalë për vlerësimet eksterne të realizuara lidhur me qendrën testuese të azilit në Cyrih. Vlerësuesit kanë konstatuar se ka një shpejtim prej 39 për qind të procedurave ndërkohë që ka përmirësim edhe sa i përket këshillimit dhe përfaqësimit juridik të azilkërkuesve.
Sekretariati Federal për Migracion (SEM) nga janari i vitit 2014 ka filluar testimin e procedurave të reja, të shkurtuara të azilit në një qendër të re procedurale të nivelit federal, të vendosur në Cyrih. Synim i këtij testimi ka qenë të provohet se është i mundur shkurtimi i ndjeshëm i procedurës së azilit në të ardhmen. Dhe po ashtu që e gjithë procedura të fillojë e përfundojë brenda një qendre federale, thuhet në një komunikatë të SEM.
Katër organizata eksterne janë emëruar nga SEM që ta bëjnë evaluimin e këtij projekti, nga 1 janari 2014 deri më 31 gusht 2015. Rezultati i evaluimit ka dalë i kënaqshëm. Me metodologjinë e re është siguruar jo vetëm shpejtimi i ndjeshëm i procedurës por është arritur edhe cilësi më e lartë e vendimeve të marra, kuotë më e ulët e ankesave dhe përmirësim i përgjithshëm i ekonomizimit.
Shpejtimi realizohet pasi që të gjithë pjesëmarrësit relevantë në procedurë, në qendrën federale gjenden «nën një kulm». Ndërkaq, procedurat zvarriten, siç ndodh zakonisht në praktikën jashtë kësaj qendre, kur azilkërkuesit dërgohen në qendra të tjera, në kantone.
Në qendrën testuese gjatë gjithë kohës së evaluimit janë caktuar 2606 procedura azili. Deri në fund të gushtit 2015 janë përmbllur 63% të tyre, ose gjithsej 1632 sish.
Marrë mesatarisht, në këtë qendër procedurat janë përmbllur me vendim të plotfuqishëm brenda 59 ditëve. Shkurtimi i përgjithshëm i procedurës në qendrën testuese në krahasim me praktikën e zakonshme, ka qenë 39%.
Po ashtu është vlerësuar edhe ana ekonomike. Në një afat të mesëm, federata kursen 110 milionë franga në vit nëse e adopton këtë procedurë në gjithë vendin.
Të tjera nga Shkurt.ch
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë