Qeveria kërkon shtrenjtimin e çmimeve të udhëtimit

U mbetet shoqatave dhe partive të shprehen rreth propozimeve, ndërsa më vonë, fjalën përfundimtare do ta thotë parlamenti

Qeveria Federale ka dalë sot me një propozim, i cili, po u miratua edhe nga parlamenti, do të shtrenjtojë ndjeshëm shërbimet e qarkullimit rrugor dhe hekurudhor.

Në mesin e një sërë masash që ka prezantuar Qeveria Federale, hyjnë edhe ato për ngritjen e çmimit të biletave të trenit, benzinës dhe të vinjetave për autostrada. Pas kësaj u mbetet shoqatave dhe partive të shprehen rreth propozimeve, ndërsa më vonë fjalën përfundimtare do ta thotë parlamenti.

Qeveria është detyruar t`i ndërmarrë këto masa për shkak se nuk është siguruar financim i trafikut rrugor dhe atij hekurudhor për një në të ardhme të afërt.