Era Istrefi “deklason” në votim reperin zviceran Blig

Në grafikonin që pasqyron pëlqimet e shikuesve figuron se për Era Istrefin kanë votuar 82% ndërsa për Blig-un vetëm 18%

Artistët shqiptarë nga Kosova po e pushtojnë Zvicrën. Dhe, kështu nuk është nga sot… Në fillim ishte Rita Ora, vajzë e prindërve shqiptarë të Kosovës. Pastaj erdhi 19 vjeçarja Dua Lipa me hitin e saj “Be The One” ndërsa tash po vjen koha e Era Istrefit, transmeton albinfo.ch Me këtë prezantim të shkurtë portali i radios zvicerane “radio Energy” hyn në temë: bëhet fjalë për nxjerrjen në votim elektronik të këngës “BonBon” të Era Istrefit dhe asaj “Lah sie redä”, të reperit të njohur zviceran Bligg.

Era Istrefi në vendin e saj tashmë vlerësohet si një yll i madh i muzikës pop. Këngëtarja dhe tekstshkruesja 22 vjeçare është shumë bindëse me pamjen e saj “cool” dhe me stilin e jashtëzakonshëm. Me këngën e saj “BonBon”, ajo aktualisht po i “shpartallon” platfprmat e mëdha evropiane se Shazam, Spotify dhe iTunes.

“Të shohim pra: Zvicra i pëlqen artistët shqiptarë dhe muzikën e tyre! Madje, ndoshta më shumë se sa muzikën zvicerane?”, thuhet në prezantim, përcjell albinfo.ch. Ndërsa në grafikonin që pasqyron pëlqimet e shikuesve figuron se për Era Istrefin kanë votuar 82% ndërsa për Blig-un vetëm 18% të shikuesve.

Linku:

http://www.energy.ch/zurich/programm/id/der-ultimative-showdown/