Integrimi
Mjeku përzë shqiptaren nga ordinanca sepse nuk dinte frëngjisht
Nerxhivane Murseli, është një shqiptare 58 vjeçare nga Kosova e cila prej 15 vitesh jeton në Zvicër, gjegjësisht në Yverdon-Les-Baigns (VD), ku flitet frëngjishtja. Emri i saj është bërë i njohur sot në kontekst jo të mirë. Mediat kanë raportuar se mjeku, specialist kardiovaskular, Christophe Bernard e ka përzënë shqiptaren nga ordinanca ku ajo kishte shkruar për të kërkuar shërim nga tromboza, shkruan blick.ch. Arsyeja: gruaja nuk di asnjë fjalë frëngjisht, arsyetohet mjeku.
Djali i Nerxhivanes, Enriko Murseli tregon për gazetën se ka qenë së bashku me nënën në terminin e parë te mjeku në fjalë, ku ai do të bënte rolin e përkthyesit. “Kisha shpresë se ai do të ndihmonte nënën time”. Por në vend të kontrollit, në ordinancë filloi zënka, transmeton albinfo.ch. “Kur mjeku e vuri re se nëna ime nuk dinte frëngjisht dhe se ne jemi nga Kosova, ai shpërtheu. Pasi kuptoi se sa vjet ishim në Zvicër ai bërtiti duke i thënë nënës se së pari duhej të bënte një kurs të frëngjishtes në Migros-clubschule e pastaj të vinte te ai.
Pas kësaj nënë dhe djalë lëshuan ordinancën, të tronditur dhe pa marrë trajtimin.
Mjekut Bernard i kujtohet mirë incidenti, por ai nuk mund t`i kuptojë akuzat. “Kam qenë i habitur se si një paciente pas 15 vitesh në Zvicër ende nuk e njeh gjuhën tonë. Unë dua që me pacientët e mi të flas drejtpërdrejt dhe jo përmes përkthyesit”, përcjell albinfo.ch. Ai thotë se që nga kontakti i parë diçka nuk ka qenë në rregull. Ai madje dyshon për diçka: në sallën e pritjes ka qenë revista satirike “Charlie Hebdo”. Mjeku është i bindur se pacientja e tij myslimane dhe i biri kanë qenë të prekur nga kjo. “Sepse, ajo më quajti mua racist”.
Në fondacionin zviceran për mbrojtjen e pacientëve SPO thonë se mjeku nuk është sjellë plotësisht korrekt. Por kryetarja e SPO-së ka mirëkuptim për mjekun: “Te myslimanët shpesh gratë nuk guxojnë të tregojnë të gjitha para mjekut kur shoqërohen nga një familjar i tyre i gjinisë mashkullore. Për këtë arsye e kuptoj nëse mjeku ka dashur të flasë direkt me të.”
Pasi që ky incident është bërë i njohur për opinionin, mjeku Bernard i ka kërkuar falje kosovares përmes një letre që ka dërguar në adresë të saj. Për më tepër, ai i ka kërkuar pajtim, duke ia ofruar një trajtim mjekësor pa pagesë.
E-Diaspora
-
Presidentja Osmani: Regjistrohuni, mërgimtarë! Presidentja e Kosovës, Vjosa Osmani, ka bërë thirrje me theks të veçantë për mërgatën që të...
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
-
ASK: Mbi 1.4 milionë qytetarë të regjistruar, mbi 400 mijë nga diaspora
Jeta në Zvicër
-
Aksident në Aristau AG mes autobusit dhe makinës Një përplasje e rëndë ka ndodhur në Aristau AG, disa të plagosur ...
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?