Futbollistët nuk mund të ndërrojnë Kombëtaren

“Indikacionet e para janë se nëse një lojtar ka luajtur për Zvicrën, dhe kishte edhe nënshtetësinë e Kosovës, ai nuk do të jetë në gjendje të ndërrojë kombëtaren”, deklaroi zyrtari i UEFA-s

© 2016 KEYSTONE

Çështja e futbollistëve shqiptarë të Zvicrës nëse mund të luajnë për Kosovën ka marrë jehonë edhe në UEFA. Është pikërisht kjo e fundit që është pyetur nëse lojtarët mund të ndërrojnë kombëtaren, duke aluduar në futbollistët shqiptarë të Zvicrës, që mund të vijnë për Kosovën, shkruan albinfo.ch.

Përfaqësuesi juridik i UEFA-s, Alasdair Bell ka bërë të ditur se “indikacionet preliminare” thonë se kjo nuk do të bëhet as me Kosovën. “Indikacionet e para janë se nëse një lojtar ka luajtur për Zvicrën, dhe kishte edhe nënshtetësinë e Kosovës, ai nuk do të jetë në gjendje të ndërrojë kombëtaren”, ka thënë ai.

Kjo më së shumti prek kombëtaren shqiptare dhe atë të Zvicrës ku luajnë disa shqiptarë me prejardhje nga Kosova.