Shqipëria përgatitet për Kampionatin Evropian

“ESPN” shkruan se Shqipëria nuk ka gjasa në grupe dhe është befasia më e madhe e këtij Evropiani

Kualifikimi i Shqipërisë në Evropian ka bërë bujë të madhe edhe në mediat ndërkombëtare. Është gjiganti amerikan “ESPN”, që shkruan për Shqipërinë, por e ka nënçmuar shumë, shkruan albinfo.ch.

Sipas “ESPN”, askush nuk ka pritur që Shqipëria të kualifikohet dhe hyrja në grupe është arritja më e madhe. Shqipëria ishte e dyta në grup pas Portugalisë, duke lënë pas Danimarkën dhe Serbinë, ku përmendet edhe ndeshja në Beograd, ku iu dha fitorja kuqezinjve 3:0 në tavolinë. Fitorja 3:0 në Armeni iu dha të drejtën të gëzohen dhe të festojnë kualifikimin historik.

Gjithnjë sipas “ESPN”, shpresa e Shqipërisë është vendi i tretë, dhe për këtë do të luftojë me Rumaninë, pasi më shumë nuk mund të kërkohet. Lorik Cana është lojtari kryesor. Ai është kapiten dhe ikonë, duke luajtur në nivele të larta. Menaxher është Gianni De Biasi, i cili mori Shqipërinë në vitin 2011 dhe arriti ta kualifikojë për herë të parë në një Evropian.

Formacioni i Shqipërisë

(4-5-1); Etrit Berisha; Elseid Hysaj, Berat Gjimsiti, Lorik Cana, Ansi Agolli; Shkëlzen Gashi, Taulant Xhaka, Burim Kukeli, Amir Abrashi, Ermir Lenjani; Sokol Cikalleshi.