Me referendum për të drejtën e pensionit invalidor

Invalidët me zverk të dëmtuar (një lëndim i shpeshtë, si pasojë e aksidenteve në trafik “Schleudertrauma”) po shprehin pakënaqësinë e tyre me revidimin e ligjit mbi pensionet invalidore. Me këtë revidim, në radhë të parë do të rishikohen, shkurtohen ose hiqen fare pensionet invalidore të fituara mbi këtë bazë.

Shoqata e „viktimave të dëmtimit të zverkut”, sipas portalit drs.ch madje ka paralajmëruar edhe organizimin e një referendumi kundër revidimit të përmendur, njofton portali drs.ch.

Në referendum nuk do të marrin pjesë shoqatat tjera të njerëzve me aftësi të kufizuara. Kjo do ta bëjë tepër të vështirë plotësimin e kushtit për tu pranuar mbajtja e referendumit, që është grumbullimi i së paku 50`000 nënshkrimeve.