Mehmedi jep maksimumin në Evropian

“Unë nuk mendoj, që një gol ndryshon gjithçka. Unë jam përgatitur shumë për Kampionatin Evropian, duke arritur një nivel krejt ndryshe. Unë ndjehem vërtet mirë”, theksoi Mehmedi

(KEYSTONE/Jean-Christophe Bott)

Admir Mehmedi realizoi ndaj Rumanisë, duke i sjellë një pikë Zvicrës. Ai ka thënë për “Blick” se jep maksimumin, derisa flet edhe për ndeshjen e fundit, përcjell albinfo.ch.

“Unë kam bërë punën time si çdoherë. Kam punuar shumë në tre muajt e fundit edhe pse disa persona nuk ishin të kënaqur me aktivitetin tim kundër Shqipërisë. Unë vetë nuk e pash si keq. Por natyrisht goli i shënuar ishte mirë”, deklaroi sulmuesi shqiptar.

Ai ishte afër të zëvendësohej nga Embolo, por goli e shpëtoi atë. “Po, ama doli që nuk ishte ide e mirë… Fatmirësisht ai priti edhe goditjen nga këndi. Unë nuk mendoj, që një gol ndryshon gjithçka. Unë jam përgatitur shumë për Kampionatin Evropian, duke arritur një nivel krejt ndryshe. Unë ndjehem vërtet mirë”, theksoi sulmuesi nga Gostivari, duke shtuar: “Jam i përqendruar në Kampionatin Evropian dhe po japim maksimumin. Kjo është e rëndësishme. Kemi pasur probleme me konkretizimin e rasteve, por shpresoj se do të përmirësohemi në këtë aspekt”, përfundoi Admir Mehmedi.