E kaluara dhe e tashmja”, ekspozitë e Haki Xhaklit në Berlin

“E kaluara dhe e tashmja” është titulluar ekspozita personale e piktorit Haki Xhakli që është hapur në galerinë e Ambasadës së Kosovës në Berlin.

Janë 18 piktura që paraqesin cikle të ndryshme të periudhave para, gjatë dhe pas luftës në Kosovë.

Piktori tha se po kthehet për të ekspozuar në Berlin pas 17 vjetëve, gjithmonë duke e çmuar kontributin e vazhdueshëm të shtetit gjerman për çështjen e Kosovës, e veçanërisht në ndihmën e zhvillimit të kulturës.

“Para 17 vjetëve, më 1999 ekspozita personale në qytetin Unna prezantoi një art nga Kosova para publikut gjerman”, ka thëne Xhakli.

Autori pikturës i qaset me bindjen se përmes saj, si përmes pasqyrës, mund të projektohet bota shpirtërore e njeriut, si ankthet, shqetësimet dhe solemniteti i tij shpirtëror. Ekspozita e Haki Xhajlit në Berlin do të qëndrojë e hapur për vizitorë tre muaj.

Fotografi:
https://www.facebook.com/search/top/?init=quick&q=Haki%20Xhakli%20&tas=0.6597851693115717