Shqipet e bëjnë shqiponjën

Bersant Celina dhe Sinan Bytyqi kanë bërë me duar shqiponjën, duke treguar me krenari për prejardhjen e tyre

Bersant Celina dhe Sinan Bytyqi po stërvitin me ekipin e Pep Guardiolës. Dy futbollistët kosovarë të Manchester Cityt tregojnë krenarinë me prejardhjen e tyre, duke e formuar shqiponjën dykrenore me gishtërinj të duarve, shkruan albinfo.ch.

Derisa po dilnin në stërvitje, Bytyqi e Cenia bënë foton superiore. Celina luan për Kosovën, kurse Bytyqi për ekipin U21 të Austrisë dhe ka mundësi t’i bashkohet Celinës edhe në Përfaqësuesen e Kosovës. Celina është yll i Kosovës, derisa më parë kishte refuzuar Norvegjinë, dhe është shembulli më i mirë, që duhet të ndjekin edhe lojtarët tjerë.

Kosova ndeshjen e parë kualifikuese do të ketë ndaj Finlandës më 5 shtator, kurse takimin e parë si vendas e ka ndaj Kroacisë në tetor. Por, ky takim do të zhvillohet në Shkodër, pasi Kosova nuk ka stadium në bazë të kritereve ndërkombëtare dhe ai i Prishtinës është duke u rinovuar.