Në shtator nisin negociatat ndërmjet Brukselit dhe Bernës për emigracionin

Negociatat ndërmjet Brukselit dhe Bernës për kufizimin e emigracionit do të intesifikohen muajt në vijim.

Presidenti zviceran, Johann Schneider-Ammann, do të takohet sërish me presidentin e Komisionit Evropian, Jean-Claude Juncker, më 19 shtator, ku pritet të diskutohet rreth një zgjidhjedhe për një çështje që ka dominuar marrëdhëniet mes të dy palëve që nga viti 2014, kur Zvicra votoi për kufizimin e numrit të emigrantëve, përcjell albinfo.ch.

„Ne do të intensifikojmë negociatat mes Zvicrës dhe BE-së në nivel teknik”, kishte deklaruar Schneider-Ammann.
Takimi me Juncker ishte zhvilluar pak para përfundimit të samitit ASEM.

Zvicra dëshiron të negociojë mbi një kompromis me Brukselin, i cili ka insistuar se nuk mund të pranojë çdo pengesë për lëvizjen e lirë të njerëzve të mishëruara në marrëveshjet dypalëshe.

Nëse Zvicra në mënyrë të njëanshme prezanton kufijtë, ky veprim mund të përfundojë marrëveshjet dypalëshe ekonomike dhe të dëmtojë ekonominë zvicerane.

Ndërkohë Brukseli dhe Berna kanë rënë dakord që Brexit ka komplikuar përpjekjet për të gjetur një zgjidhje.
56% e eksporteve të Zvicrës shkojnë për BE-në.