Doganierët konfiskuan mbi 300 kg mallra të falsifikuara

Vetëm për muajin qershor, doganierët në aeroportin e Cyrihut zbuluan 310 kg mallra me marka të falsifikuara, përcjell albinfo.ch duke u bazuar në deklaratat zyrtare të aeroportit. Doganierët konfiskuan kryesisht këpucë sportive të falsifikuara, bluza dhe çanta të cilat i kanë prishur dhe hedhur.

Artikujt me marka të falsifikuara gjendeshin në 29 paketa të cilat,  sipas etiketave të mallit,  ato duhej të përmbanin vetëm xhinse dhe bluza, deklaron Administrata Doganore Federale (FCA).

Paketat në fjalë vinin nga Turqia dhe kishin për qëllim të arrijnë në Republikën Domenikane. Doganierët zbuluan mallrat e falsifikuara gjatë një kontrolli.