Youtube shlyen për policinë zvicerane përmbajtjet xhihadiste

Në luftën kundër përhapjes së videove që paraqesin skena të ekzekutimeve dhe të ushtrimit të dhunës në përgjithësi, Policia Federale e Zvicrës gëzon te youtube një status të besueshëm ose “Trusted Flagger” dhe kërkesat e saj trajtohen me prioritet

Ka katër muaj qëkur Youtube i bën Zyrës federale për Polici një shërbim të veçantë: Të gjitha videot që kanë të bëjnë me xhihadizmin, shlyhen sa më shpejtë që të jetë e mundur, shkruan nzz.ch. Kur dihet sasia shumë e madhe e videove që parakalojnë nëpër youtube: për çdo minutë janë në dispozicion më shumë se 400 orë material në video, ky është shërbim vërtet special, përcjell albinfo.ch! Në mesin e kësaj morie xhirimesh ka sigurisht edhe shumë video që propagandojnë dhunën dhe terrorin islamik.

Në luftën kundër përhapjes së videove që paraqesin skena të ekzekutimeve dhe të ushtrimit të dhunës në përgjithësi, Policia Federale e Zvicrës gëzon një status të besueshëm ose “Trusted Flagger” dhe kërkesat e saj trajtohen me prioritet.

Në intervistën me gazetën e përmendur, zëdhënësja Cathy Maret shprehet se Fedpoli në luftën e tij kundër propagandës së ISIS-it denoncon për çdo javë një numër videosh me përmbajtje të përmendur më lart, transmeton albinfo.ch. Këtu bëhet fjalë për videot që janë të dënueshme sipas të drejtës penale zvicerane. Megjithatë youtube vendos në mënyrë të pavarur për shlyerjen e videos së caktuar, por të shumtën e rasteve ndjek rekomandimet e policisë federale.

Në luftën kundër propagandës së terrorit, Fedpoli është në bashkëpunim edhe me përfaqësues të Twitter-it dhe facebook-ut.