Një shqiptar në Real Madrid dhe një në Juventus

Egzon Alili ka kaluar në Real Madrid, derisa Andi Zeqiri në Juventus. Këta lojtarë shihen si e ardhmja e futbollit shqiptar

Futbollistët shqiptarë gjithnjë e më të suksesshëm në futboll. Ata tashmë po zënë vend edhe në skuadra të mëdha, si Real Madrid dhe Juventus, shkruan albinfo.ch.

Për herë të parë një shqiptar në radhët e Realit të Madridit. 16-vjeçari Egzon Alili ka nënshkruan një kontratë 7 vjeçare me skuadrën mbretërore.

Mesfushori, i cili është pjesë e kombëtares së 17-vjeçarëve të Shqipërisë, ka hedhur firmën në kontratën e propozuar nga klubi madrilen dhe ai është bashkuar me drejtuesit teknikë të Realit të Madridit në akademinë e klubit spanjoll. 16-vjeçari me origjinë nga Kumanova jeton prej vitesh në Austri ku hodhi edhe hapat e parë si futbollist në radhët e USV Pattigham/Pramet.

Më parë për të ishte interesuar edhe Barcelona, që sipas mediave austriake kishte ofruar plot 4 milionë euro, por mesa duket Real Madrid qëndronte një hap para duke arritur të bindë familjen e mesfushorit për transferimin në Madrid.

Alili do të aktivizohet fillimisht në ekipet e grupmoshave të Realit të Madridit ku ka mundësinë e artë të tregojë talentin e tij për të hedhur kandidaturën drejt skuadrës së parë edhe pse është ende i ri.

Një shqiptar edhe në Juventus. Bëhet fjalë për Andi Zeqirin. Sulmuesi i datëlindjes 1999 është transferuar tek skuadrat zinxhir të kampionëve të Italisë nga Luiziana e Zvicrës.

Ai është formuar tek ekipi zviceran ku edhe ka spikatur për aftësitë e tij teknike, çka i siguruan edhe grumbullimin që në moshën 15-vjeçare me skuadrën e madhe, ku edhe ka shënuar dy gola në 17 takime në total.