Risitë e fundit të teknologjisë në IFA 2016

Frigoriferë të mençur, TV OLED, orë dhe smartphone të mençur, dronë të rinj, syze VR, janë disa nga risitë më interesante në shfaqjen teknologjike vjetore në IFA në Berlin, që është njëra ndër më të mëdhatë në botë të llojit të saj, raporton albinfo.ch.

Më shumë se 1.800 ekspozues janë të pranishëm deri më 7 shtator në IFA në Berlin, në edicionin e 56-të, duke përfshirë të gjitha produktet kryesore të elektronikës dhe pajisjeve në shtëpi, si dhe shumë të tjerë emra të njohur, e sidomos disa produkte të reja të teknologjisë nga Evropa dhe e gjithë bota.
Disa prej kompanive më të mëdha botërore kishin vendosur të shpalosin shumë prej zbulimeve të tyre të shumëpritura në këtë shfaqje.

Sigurisht, nuk duhet të mungojnë smartphonet në Berlin. Samsung sjell serinë 7. Huawei siguron ndërkohë telefonat e rinj të familjes Nova, ndërsa Sony ka për të filluar në IFA me dy modelet e saj të fundit, Xperia Xperia XZ dhe X Compact.
Ndër produktet e tjera që kanë lënë mbresa në lansimin e tyre ishin edhe televizorët gjigantë 8K me madhësi ekrani 90 inç.

Përveç kësaj, të paktën një TV OLED është prezantuar pothuajse nga çdo prodhues.
Basri Shkodra nga firma “Smartycom” nga Zvicra sjell atmosferën me fotografi nga Berlini për albinfo.ch.