1000 veta në mbrojtje të peshqve

Burimet e ndotura dhe lëvizjet ekstreme të nivelit të ujit, janë shkaktarët kryesorë të ngordhjes masive të peshqve

Rreth 1000 veta kanë protestuar sot në komunën Goumois të kantonit Jura në kufirin me Francën kundër shkaktarëve të ngordhjes së peshqve. Ata, të organizuar përmes organizatave si Pro Natura, WWF dhe Federata e Peshkatarëve të Zvicrës në aksionin e tyre protestues kanë kundërshtuar ndotjen në shtim të ujërave të lumit Loue.

Në këtë lum, sipas tyre rreth 90 për qind të peshqve kanë ngordhur, shkruan news.search.ch.

Në të dyja anët e kufirit peshkatarët kanë gjetur në secilin rast të peshkimit shumë peshq të ngordhur. Burimet e ndotura dhe lëvizjet ekstreme të nivelit të ujit, janë sipas tyre shkaktarët kryesorë të ngordhjes masive të peshqve.

Sipas aktivistëve të mbrojtjes së mjedisit, shteti nuk ka reaguar asnjëherë ndaj propozimeve dhe interesimit të tyre lidhur me këtë çështje.