Dua Lipa, e bukura me zë unik, “ndez” publikun gjerma

Për prezantimin dhe performancën e saj ka shkruar edhe televizioni gjerman NDR. “E bukura me zë unik” kështu e ka titulluar ky medium shkrimin për këngëtaren kosovare

Këngëtarja shqiptare Dua Lipa ka mbajtur një koncert para mijëra fansave në skenën e qytetit të Göttingenit.  Për prezantimin dhe performancën e saj ka shkruar edhe televizioni gjerman NDR. “E bukura me zë unik” kështu e ka titulluar ky medium shkrimin për këngëtaren kosovare teksa e ka konsideruar si ndër artistët më të shquara të vitit, njofton “albinfo.ch”.

Dua Lipa ka rrëmbyer audiencën me zërin e saj duke i bërë të kërcenin të gjithë së bashku. Kjo shihet edhe në një video të cilën Lipa e ka publikuar në llogarinë e saj në “Instagram”.

Televizioni i mirënjohur gjerman NDR ka publikuar në ueb-faqen zyrtare të saj të gjithë koncertin e këngëtares.

Këngëtarja e hitit “Be the One” ka thënë se kjo verë ishte vera më e mirë në jetën e saj, ndërsa ka theksuar se nga tetori e presin koncertet e radhës në shtete të ndryshme të botës.

Përveç kësaj, Dua është duke punuar për projekte të reja, të cilat do t’i publikojë gjatë muajve të ardhshme.