‘Plisat’ gjithmonë pas Shqipërisë

Tifozët kosovarë kanë zgjedhur Shqipërinë, me 450 bileta të rezervuara, ndërkohë që ata nuk do të mbështesin Kosovën, e cila ndërkohë do të luajë ndaj Kroacisë, në të njëjtën stadium, por më 6 tetor

Biletat për ndeshjet e 9 tetorit Shqipëri-Spanjë janë shitur dhe tashmë kush ka mundur i ka siguruar. Stadiumi “Loro Boriçi” pritet të jetë në kapacitet të plotë gjatë sfidës ndaj skuadrës spanjolle.

Edhe në këtë ndeshje pritet që të ketë shumë tifozë, në veçanti ‘Plisat’ nga Prishtina.

Tifozët kosovarë kanë zgjedhur Shqipërinë, me 450 bileta të rezervuara, ndërkohë që ata nuk do të mbështesin Kosovën, e cila ndërkohë do të luajë ndaj Kroacisë, në të njëjtën stadium, por më 6 tetor.

Tifozët prishtinas gjithmonë kanë deklaruar se do të përkrahin Kombëtaren shqiptare dhe nuk e njohin Përfaqësuesen e Kosovës. Sipas tyre ka vetëm një Kombëtare.