Martesa i ndryshoi jetën

“Jam një person që nuk tregoj emocionet dhe bile nuk jam shumë emocional. Megjithatë, gjatë martesës kisha shumë emocione. Pas martesës jam bërë më i balancuar”, deklaroi Mehmedi

Sulmuesi shqiptar, Admir Mehmedi ka folur në tubimin e Kombëtares zvicerane, ndërsa ai vjen pas një forme të mirë me Bayer Leverkusenin, shkruan ‘blick.ch’.

Ai shënoi një gol të bukur me Borussia Dortmundin, ndërsa mori shumë urime dhe goditje në shpinë nga bashkëlojtarët. “Kam pasur shumë urime, gjithashtu edhe përmes mesazheve. Por unë vijoj rrugëtimin tim”, ka thënë fillimisht Mehmedi.

Ai më 18 korrik Admir Mehmedi është martuar në Gostivar me të dashurën e tij Sevdije. “Nuk jam tip festiv. Jam një person që nuk tregoj emocionet dhe bile nuk jam shumë emocional. Megjithatë, gjatë martesës kisha shumë emocione. Pas martesës jam bërë më i balancuar”, është shprehur sulmuesi shqiptar, përcjell albinfo.ch.

Mehmedi tregon gjithashtu se gjatë periudhës së fundit vrapon më shumë se më parë. Ndeshjen e fundit me Leverkusen ka vrapuar 13 kilometra. “Me Hungarinë do jetë e vështirë, por e rëndësishme është fitorja e kombëtares”.

“Në vitin e fundit të karrierës dua ta përfundojë në FC Winterthur. Aty ndjehem shumë mirë dhe familja ime jeton aty”, përfundoi Mehmedi.