Shteti nuk ndërhyn në dobësimin e frangut

Gjendja do të vlerësohet në vazhdimësi në bashkëpunim me Bankën Nacionale të Zvicrës

Qeveria e Zvicrës nuk e ka ndërmend të ndërhyjë me masa emergjente për uljen e fuqisë së frangut.

Me gjithë faktin se qeveria i merr seriozisht ankesat në rritje të industrisë eksportuese, tregtisë me pakicë dhe turizmit, masat e menjëhershme nuk çojnë drejt zgjidhjes së problemit.

Kështu është shprehur Departamenti për  Ekonomi i Qeverisë së Zvicrës  në një komunikatë të publikuar sot.

Gjendja në këtë fushë do të vlerësohet në vazhdimësi në bashkëpunim me Bankën Nacionale të Zvicrës.

Në rast se euro do të humbas edhe më tutje vlerën e saj, Zvicra duhet të llogarisë me një dobësim të shtuar të rritjes ekonomike, thuhet në komunikatë.