Biznesi kosovar duhet të investojë në Portin e Shëngjinit

Janë bërë dy vjet kur Shqipëria kishte vendosur që portin e Shëngjinit t’ia jepte Kosovës dhe që nga ajo kohë shfrytëzimi i tij nuk ka filluar.

Ministri shqiptar Sokol Olldashi, ka thënë se se vullneti politik ka ekzistuar, por sipas tij u takon sipërmarrësve privatë të investojnë.

“Edhe ne, edhe qeveria e Kosovës jemi shprehur qartë, dhe po rikonfimojmë qëndrimet tona. Porti i Shëngjinit është i disponueshëm në çdo sekondë për Kosovën. A ka biznesi i Kosovës projekt për ta komercializuar portin? Sepse kjo duhet të vijë nga bota e sipërmarrjes private, sepse as qeveria e Kosovës, as e Shqipërisë nuk janë investitorë”, ka sqaruar Olldashi.

Kosova dhe Shqipëria të premten kanë nënshkruar një marrëveshje për transportin rrugor.

Kurse më herët dy vendet kanë arritur edhe një marrëveshje tjetër të ngjashme, në fushën e transportit ajror.