Rikthehen kolonat në Merdarë

Derisa gjatë ditës, mërgimtarët kanë pritur nga tri orë, në mbrëmje kanë pritur deri në pesë orë, kurse në shumë raste edhe në gjashtë orë

Pritjet e gjatë në kufirin me Serbinë kanë vazhduar edhe gjatë fundjavës. Mërgimtarët kanë pritur pesë deri në gjashtë orë për të kaluar kufirin, bën të ditur “KTV”.

Bashkatdhetarët pasi ishin për pushime në Kosovë, tani po kthehen në vendet e tyre, por ashtu siç kishin hyrë, duke pritur me orë të tëra, ashtu edhe po dalim, përcjell albinfo.ch.

Ndërkohë, Ministria e Diasporës dhe Policia e Kosovës kanë bërë thirrje që të përdoren edhe pikëkalimet tjera kufitare.

Derisa gjatë ditës, mërgimtarët kanë pritur nga tri orë, në mbrëmje kanë pritur deri në pesë orë, kurse në shumë raste edhe në gjashtë orë.

Ministri i Diasporës, Valon Murati ka lutur mërgimtarët edhe një herë që para se të nisen të shikojnë online aplikacionin e Qendrës Kombëtare për Menaxhimin Kufitar.

Mërgimtarët nuk presin që kjo gjendje të përmirësohet pavarësisht që ata nuk kanë provuar të zgjedhin pikat e tjera kufitare.

Pritjet deri në një orë janë edhe tek pik kalimi kufitar tek Dheu i Bardh, ndërsa në pikë kalimet e tjera kufitare koha e pritjes është 5 deri në 15 minuta.