Policia liron njërin prej sulmuesve të politikanit zviceran

Zvicerani i prerë në fyt nga kosovarët përshkruan ngjarjen, ku ai ishte viktimë e një aktit të tmerrshëm

Disa ditë pas incidentin të së hënës, në Interlaken të Bernit, kur dy kosovarë kishin sulmuar me thikë mundësin përkatësisht politikanin zviceran nga Partia SVP,  Karl Zingrich, policia ka vendosur ta liroj njërin prej dy vëllezërve të dyshuar.

Policia ka thënë se ai nuk kishte lënduar fizikisht viktimën. Njëri prej vëllezërve më të rinj 31-vjeçar, i cili kishte sulmuar me thikë në fyt zviceranin mbetet ende në arrest.

Pas sulmit të së hënës, policia po zhvillon hetimet ndërsa motivet mbeten ende të paqarta.

Politikani zviceran Karl Zingrich (45) po shërohet në spital, ndërkohë në një intervistë të dhënë nga spitali për Blick-un, përshkruan ngjarjen , ku ai ishte viktimë e një aktit të tmerrshëm.

“Pas punës unë vendosa të pi një birrë së bashku me një shok timin. 20 minuta më vonë erdhën këta të dy dhe më provokuan, ku njëri nga ta më godiste në kraharor me grushte”, ka thënë Zingrich.

“Papritmas, vetëm ndjeva nxehtësinë dhe pash rrjedhën e gjakut nga qafa ime! Në këtë çast u përpoqa të godas personin i cili më shkaktoi këtë plagë, mirëpo nuk munda, ngase ai më kishte goditur për herën e dytë dhe më kishte prerë në dorë”, ka rrëfyer politikani zviceran ngjarjen e cila tronditi opinionin e këtushëm.

“Ata u larguan ndërsa unë mendova vetëm si te arrijë deri në spital. Falënderoj mikun tim Roland Gehrig i cili menjëherë më vendosi në veturën e tij dhe më dërgoj në spital”, është shprehur ai.

Në lidhje me këtë ngjarje, ka folur edhe babai i dy vëllezërve të arrestuar, Rrahman R (70). Ai ka deklaruar se fajin për tërë këtë që ka ndodhur e ka alkooli.

“Ah, ai jeton ende! Kjo është mirë. Paskemi pasur fat, që ai nuk ka vdekur”, citohet të ketë thënë Rahman. R.

“Alkooli është fajtor”, ka thënë ai. “Kur ata janë të dehur, nuk kontrollojnë veten e vet. Të dytë ishin dërguar në spital të dehur. Të gjitha problemet fillojnë nga alkooli”, ka deklaruar babai i dy kosovarëve.

Zvicerani dyshohet se është sulmuar  nga njëri prej dy shqiptarëve të Kosovës, të cilët sipas policisë zvicerane, janë vëllezërit Jeton R (33) dhe Rasim R (31).