SECO: Tregu i punës stabil në Zvicër

Megjithatë frangu i fortë nuk ka lënë ende gjurmë në tregun e punës në Zvicër, thotë SECO

Sipas Sekretariatit për Çështje Ekonomike( SECO), gjatë muajit gusht janë regjistruar si të papunë 2487 në 111 687 persona, raporton 20min. Kjo tregon se  shkalla e papunësisë ka mbetur në nivelin e muajit të kaluar prej 2.8 për qind.

Sipas të dhënave të publikuara nga SECO, më shumë të rinjt prej moshës 15 deri  24 vjeç kanë humbur vendet e tyre të punës. Gjatë muajit gusht janë regjistruar si të papunë 2926 në 18 076. 
Me këto shifra shënohet një rritje e përkohshme e papunësisë  te të rinjt prej 2.7 në 3.3 për qind.Në përgjithësi zhvillimet në tregun e punës korrespondojnë me parashikimet e SECO-s.“Në vjeshtë pritet një rritje e vogël e papunësisë”, tha Serge Gaillard , drejtor i Sekretariatit për Çështje Ekonomike( SECO).

Ai ka përshëndetur veprimin e fundit të Bankës Kombëtare për vendosjen e një norme minimale të këmbimit të frangut me euron.