Berisha si Ronaldo e Ibra

Besart Berisha është nderuar nga krijuesja e lojës FIFA 2017, pasi ka shënuar 100 gola në futbollin australian. Këtë çmim më herët e kanë marrë Cristiano Ronaldo e Zlatan Ibrahimoviq

Sulmuesi nga Prishtina, Besart Berisha ka shkëlqyer në kampionatin australian, duke thyer shumë rekorde, e duke fituar shumë çmime, shkruan albinfo.ch.

Por, një çmim special ka ardhur për futbollistin e Përfaqësues së Kosovës. Ai është nderuar nga kompania e lojërave EA Sports, pasi ka shënuar 100 gola në futbollin australian.

Ai është nderuar me pakon vjollcë nga krijuesja e lojës FIFA 17 pasi ka arritur shifrën magjike prej 100 golave. Berisha është bërë lojtari i parë nga Australia apo Azia që është shpërblyer me këtë pako.

Sulmuesi prishtinas i bashkohet Cristiano Ronaldos, Zlatan Ibrahimoviqit, Wayne Rooneyt dhe Harry Kane, të cilët janë shpërblyer me këtë çmim.