Ka vrarë babanë, shpallet e pafajshme

Ajo kishte thënë se kishte shtënë në të atin ngase kishte pasur frikë për jetën e saj

Një vajzë, sot 25 vjeçare, e cila kishte vrarë para dy vitesh të atin në Oberrieden të Cyrihut me armë zjarri, është liruar dje nga burgu dhe është shpallur e pafajshme.

Gjykata e Qarkut në Horgen ka konstatuar se nuk qëndron akuza e bërë më parë për vrasje me paramendim. Prokuroria kishte kërkuar më parë 7 vite burg për të. Sipas padisë, me gjithë faktin se ajo ishte në vetëmbrojtje, vajza nuk kishte vepruar në proporcionalitet me rrezikun.

E akuzuara kishte thënë se kishte shtënë në të atin ngase kishte pasur frikë për jetën e saj. Ai kishte hyrë në dhomën e saj dhe kishte bërtitur “do të të vras”. Ndërkaq, revolen ajo e kishte blerë më parë.