Zvicër: Barnat, tepër shtrenjtë

Fitimi që nxjerrin mjekët dhe barnatoret është deri 45% më i madh se në vendet tjera evropiane

Zviceranët paguajnë tepër shumë për barnat e përshkruara nga mjekët. Në këtë përfundim ka ardhur një studim i bërë nga federata e arkave të shëndetësisë të Zvicrës Santesuisse.

Marzha (përqindja e fitimit) që nxjerrin mjekët të cilët vetë i përshkruajnë dhe vetë i shesin medikamentet si dhe barnatoret, është e pa mbulesë, thotëSantesuisse. Sipas një krahasimi që ka bërë ajo, fitimi që nxjerrin mjekët dhe barnatoret është deri 45% më i madh se në vendet tjera evropiane.

Po të merreshin masa përkatëse, paguesit e premive (pacientët) do të paguanin rreth 300 milionë franga më pak për barna në vit.

Nga ana tjetër, farmacitë kanë drejtuar ankesa se shumë prej tyre nuk po punojnë me fitim. Kjo lë të kuptohet se një zbritje e fitimit nga ana e tyre nuk ka shanse të merret fare parasysh.