Kapet revolveristi nga Bieli

Policia ka kapur personin i cili një ditë më parë kishte shtënë me armë para filialës së McDonaldsit në qytetin Biel-Bienne. Me këtë rast atij i është konfiskuar një revole.

Siç është publikuar edhe më parë, si pasojë e këtyre ë shtënave janë plagosur dy persona, punëtorë të McDonaldsit.

Policia përmes një komunikate, thotë se tash për tash nuk ka hollësi tjera rreth rastit. Ajo do të ketë më shumë të dhëna në orët e mbrëmjes, pasi të jenë kryer edhe disa procedura të nevojshme.

Të hënën policia kishte ndërmarrë një aksion të gjerë për gjetjen e të dyshuarit, por ai kishte mundur t`i ikte policisë.