Laptopi pa tela dëmton seriozisht spermën!

Fajin për dëmtimin e spermatozoideve, sipas studimit e ka rrezatimi elektromagnetik që e transmeton lidhja pa tela.

Kush punon me laptopin pa tela rrezikon që sperma e tij të dëmtohet seriozisht. Hulumtues shkencorë nga Argjentina dhe SHBA kanë përcjellë 29 meshkuj të moshave prej 26 deri në 45 vjeçare të cilët kanë punuar nga katër orë në ditë me laptopin e mbajtur në gjunj, i cili punonte pa tela. Gjatë gjithë kohës ata kanë shkarkuar materiale të ndryshme nga interneti dhe kanë vënë të dhëna në internet.

Pas eksperimentit, studiuesit kanë konstatuar përmes mikroskopit se një e katërta e spermës së tyre nuk lëviz më. 9 për qind të qelizave të spermës kanë pësuar dëmtime të ADN-së. Për ndryshim nga këta, personat që kanë përdorur laptopin e lidhur me kabllo, vetëm 14 % të spermatozoideve nuk lëviznin, ndërkohë që vetëm 3% të tyre kishin pësuar dëmtime.

Fajin për dëmtimin e spermatozoideve, sipas studimit e ka rrezatimi elektromagnetik që e transmeton lidhja pa tela.

Edhe urologët patën tërhequr vërejtjen për rrezikun e përdorimit të laptopit duke e mbajtur në prehër. Testet kishin treguar se nxehtësia që liron laptopi dëmton testiset gjë që po kështu reflektohet në dëmtimin e spermatozoideve.