Integrimi
Një Afrim ka shumë më pak shanse se një Peter!
“Afrimi 21 vjeçar ka parë në internet një shpallje në të cilën kërkohet një `magazinues i zellshëm`. Po këtë shpallje e ka parë edhe Peter. Të dy konkurrojnë, tri ditë më vonë Afrimit i vjen përgjigja refuzuese ndërsa Peterit i vjen ftesa për intervistë”
A janë të barabartë apo të diskriminuar njerëzit me mbiemra “të huaj” në tregun e punës në Zvicër? Të gjitha studimet ose sondazhet kanë konstatuar se janë. Një pretekst që i ka fokusuar sërish mediat në këtë aspekt diskriminimi, ka qenë shkrimi i publikuar ditë më parë në një gazetë të këtushme (i publikuar edhe nga albinfo.ch). Aty bëhet fjalë për punëtorët e një firme sigurimi (Swisslife), të cilët i ndryshojnë emrat dhe mbiemrat e tyre duke i “zviceranizuar” ato, në mënyrë që të jenë më të pranueshëm për klientë zviceranë.
Kryetarja e Komisionit Federal kundër Racizmit Martine Brunschwig Graf e ka kritikuar kompaninë në fjalë duke e quajtur diskriminim veprimin e saj.
Në një shkrim dhe emision radiofonik të transmetuesit publik SRF trajtohet gjerësisht kjo çështje, transmeton albinfo.ch. Duke u mbështetur në një shembull hipotetik, aty argumentohet rreth shanseve që mund të ketë në tregun e punës një person me emrin Afrim, në krahasim me një tjetër, që quhet Peter.
“Afrimi 21 vjeçar ka parë në internet një shpallje në të cilën kërkohet një `magazinues i zellshëm`. Po këtë shpallje e ka parë edhe Peter. Të dy konkurrojnë, tri ditë më vonë Afrimit i vjen përgjigja refuzuese ndërsa Peterit i vjen ftesa për intervistë”.
Ndonëse rasti është imagjinar, ai mbështetet në realitet pasi që del nga një studim i bërë nga Fondi Nacional, në vitin 2003. Aty kërkohej përgjigje nëse emri i huaj është me të vërtetë në dëm të bartësit të tij ose jo, përcjell albinfo.ch. Për të marrë përgjigjen, autorët e hulumtimit kishin dërguar aplikime fiktive për punë në shumë firma, ashtu sikur Afrimi dhe Peter-i dhe kishin pritur përgjigjet. Ato ishin shumë të qarta: Emri luan sigurisht një rol. Për Zvicrën gjermane, studimi kishte ardhur në përfundimin se në veçanti të rinjtë shqiptarë ishin ata që dëmtoheshin me rastin e kërkimit të punës. Madje 59 për qind të tyre rezultonin të diskriminuar. Në vendin e dytë, por me një dallim të madh, vinin turqit, me 30 për qind.
Se ky problem është marrë seriozisht edhe nga politika, tregon edhe një mocion që deputetja socialdemokrate Anzita Fetz kishte bërë në vitin 2009 në parlament. Ajo kërkonte që të rinjtë me prejardhje të huaj, për t`i ikur diskriminimit, të kishin mundësi që vetë të “helvetizonin” mbiemrat e tyre, transmeton albinfo.ch. Por kërkesa e saj u hodh poshtë nga parlamenti dhe qeveria. Sipas tyre, më mirë është të synohet ndryshimi i qëndrimit të popullatës zvicerane se sa helvetizimi i mbiemrave të të rinjve me prejardhje të huaj.
Të tjera nga Integrimi
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)